प्रेम

रस्त्यात थांबून विचारतो
'का हो एवढी गर्दी?'
'भल्या मोठ्या हत्तीला
झाली म्हणे सर्दी!'

पण त्या गर्दीलाही दूर सारून
एक मुंगी मात्र आली वाट काढून

हत्ती झाला थक्क
कारण मुंगीने बघता बघता चक्क…

खिशातला हातरुमाल काढून दिला !

डोळ्यात पाणी आणून हत्ती म्हणाला
'केवढी काळजी बघ तिला!"

पण त्या दिवसाचं काय?
आपण  जिथे भेटलो त्या रस्त्याचं काय?

त्या रस्त्यावर उभ्या असलेल्या
आपलं बोलणं श्वास रोखून ऐकणाऱ्या
त्या झाडाचं काय?

झाडावरून खाली
वाऱ्यावर आपल्यासाठी अलगत तरंगत आलेल्या
त्या वाळलेल्या फुलाचं काय?

तुझ्या केसांबरोबरच माझ्या मनालाही घेऊन उडणाऱ्या
त्या वाऱ्याचं काय?

आणि आपली फुललेली मनं
प्रतिबिंबित करणाऱ्या
त्या निःशब्द नभाचं काय?

या सगळ्यांना मी कसं  सांगू
की तुला यातलं काहीच आठवत नाही…

Falling in Love

Like a tear drop
Like a dried up leaf

one spontaneous moment
without a sound

with open arms
with melting heart

realizing the gentleness
in the hard rocks

embracing the softness
in the dry earth

Filled with the fullness
of the empty sky

How else if not through my death
can i express my love!